Həftənin ilk günləri gözlənilən hava açıqlandı | Milli Hidrometeorologiya Xidmətindən proqnoz

Avqustun 18-i və 19-da gözlənilən hava şəraiti açıqlanıb.

Milli Hidrometeorologiya Xidmətindən verilən məlumata əsasən, Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Mülayim cənub-şərq küləyi əsəcək. Havanın maksimal temperaturu 29-34 dərəcə isti olacaq.

Bölgələrdə də əsasən yağmursuz hava şəraiti proqnozlaşdırılır. Mülayim şərq küləyi əsəcək. Havanın maksimal temperaturu Aran rayonlarında 31-36, dağlıq ərazilərdə isə 20-25 dərəcə isti olacaq.

Atmosfer təzyiqi 750 millimetr civə sütunundan 755 millimetr civə sütununa enəcək. Nisbi rütubət gecə 70-75 %, gündüz 45-50 % olacaq.

Abşeron çimərliklərinə gəlincə isə Şimal çimərliklərində dəniz suyunun temperaturu 25-26, Cənub çimərliklərində isə 26-27 dərəcə isti olacaq.

Rayonlarda gecə və səhər bəzi dağlıq ərazilərdə duman olacaq.