Həkim körpənin vəfatından danışdı: Ölüm səbəbi əslində nə idi?
Sabirabadda 1 yaşlı uşaq vəfat edib. Rayon Mərkəzi Xəstəxanasına yüksək temperaturla gətirilən 2022-ci il təvəllüdlü uşağın qızılcadan dünyasını dəyişdiyi bildirilir.
Tibbi Ərazi Bölmələrini İdarəetmə Birliyi tərəfindən Sabirabadda qızılca xəstəliyindən öldüyü deyilən uşaqla bağlı açıqlama verilib.
Qurumdan bildirilib ki, 2022-ci il təvəllüdlü azyaşlı 30.11.2023-cü il tarixində saat 12:47-də Sabirabad Rayon Mərkəzi Xəstəxanasının Təcili tibbi yardım şöbəsinə yerləşdirilib:
“Ona qızılcanın ağırlaşmış forması, neyrotoksikoz, ensefalit, kəskin tənəffüs, ürək-damar çatışmazlığı (III dərəcə) diaqnozları qoyulub. Pasiyentin yanaşı diaqnozu qavrama zəifliyi olub”.
Qeyd edilib ki, azyaşlı doğum evində hepatit və vərəm əleyhinə peyvənd olunub: “Valideynlər tərəfindən digər peyvəndlərdən imtina edilib”.