Həkimlər bu məhsulları tövsiyə etdi | Rasionunuza əlavə edəcəyiniz qidalar

Qocalmanı yavaşlatmağa qida lifləri və antioksidantlarla zəngin olan məhsullar ‒ giləmeyvələr, yaşıl çay, kakao, portağallar, almalar, nar, albalı, brokkoli, üzüm kömək edir.

Amerikalı immunoloq Helen Messyenin sözlərinə görə, uzunömürlülüyün dörd sütunu xəstəliklərin erkən diaqnostikası, orqanizmdə iltihabla mübarizə, əqli və fiziki dözümlülüyün inkişafı, həmçinin ürək-damar və metabolik sağlamlığın qorunmasıdır.

Onun fikrincə, gəncliyi qorumaq üçün ən vacib vərdişlər gündəlik fiziki aktivlik, keyfiyyətli yuxu, stresə nəzarət, ünsiyyət və tam dəyərli qidalanmadır.

Həkim əlavə edib ki, sağlam illəri uzatmaq istəyən insanların rasionunda mütləq bitki mənşəli qidalar olmalıdır. Bundan əlavə, az öncə qeyd etdiyimiz həmin o doqquz məhsulun istehlakına xüsusi diqqət yetirilməlidir.