Həkimlər xəstələrə çek verməli olacaq

Vergi Məcəlləsində dəyişiklik edilib.

Dəyişikliyə əsasən, özəl tibbi praktika ilə məşğul olan fiziki şəxslər tərəfindən göstərilən xidmətlər üzrə də ödənişlər nəzarət-kassa aparatları vasitəsilə edilməlidir. 2023-cü ilin yanvarın 1-dən etibarən, bu şəxslər tərəfindən verilən çeklər əsasında ödənilən ƏDV-nin bir hissəsi vətəndaşlara geri qaytarılacaq.

Tibbi xidmətlərin dəyərini müəyyən olunmuş limitdən artıq nağd qaydada qəbul edən həmin fiziki şəxslərdən öhədliklərin yerinə yetirilməsi tələb olunacaq.

Bəs bu siyahıya hansı tibbi xidmətlər daxil olacaq və nəzərdə tutulan limit nə qədərdir?

Qanunda nəzərdə tutulan şəxslər – stomatoloq, oftalmoloq, burun-qulaq həkimləri, həmçinin masaj xidməti göstərən vətəndaşlar tərəfindən göstərilən xidmətlərin dəyəri 500 manatdan yuxarı olan zaman, eləcə də təqvim ayı ərzində 15 min manatdan yuxarı hesablaşmalar üzrə ödənişlər yalnız nağdsız qaydada həyata keçirilməlidir. Əks halda həmin şəxslərə qarşı cərimə tədbirləri nəzərdə tutulub.