Həlak olan polis Mirəli Heydərovun bacısından ürəkdağlayan sözlər

Qətlə yetirilən polis serjantı Mirəli Heydərovun ailəsi Baku TV-yə danışıb.

Anası Nailə Heydərova sonuncu dəfə oğlunu Qurban bayramında gördüyünü deyib:

“Qurban bayramında burada idi. “Niyə gəlmisən, ay Mirəli? Sən işini işlə, gəlmə” dedim. Səhər oyadıb işə göndərdim. Mən nə bilim başıma belə iş gələcək”.

“Mirəlinin bütün arzuları ürəyində qaldı. Subay uşaq idi. Evləndirmək, toyunu etmək istəyirdik. Məni çox istəyirdi. Gözəl qardaş idi”, – bacısı Səadət Babaşova söyləyib.