Həndbolçuların zalı əllərindən alındı? | ABU Arenadan suallara niyə cavab gəlmədi? - Baku TV

Baku TV-nin qaynar xəttinə daxil olan şikayət əsasında vətəndaşlar bildiriblər ki, “ABU Arena”nın daxilində yerləşən Azərbaycan Həndbol Federasiyasının zalı bağlanır.

İddialara görə, idmançıların yeddi aydır maaşları da ödənilmir.

Vətəndaşların sözlərinə görə, onlar məzuniyyətə çıxıblar və geri qayıtdıqda zalın bağlanacağını öyrəniblər. Hazırda idmançıların zala girişinə də icazə verilmir.

İdmançılar və valideynlər yaranmış vəziyyətdən narazıdırlar. Onlar həm məşqlərin, həm də maaş ödənişlərinin nə vaxt bərpa olunacağını, idmançıların gələcək taleyinin necə olacağını bilmədiklərini bildirirlər.

“500-600-dən çox gənc çöldə qalıb. Əvvəl bilirdik ki, həftənin beş günü məşqdədirlər. Arxayın idik ki, saat 7-dən 9-a kimi məşq edirlər. İndi bu cavan uşaqlar nə ilə məşğul olsunlar?!” – valideynlərdən biri bildirib.

“Altı aydır ki, məşq etmirik. Zalımızı əlimizdən alıblar”, – həndbolçu Aytən Eminova deyib.