Həyat yoldaşınla ayrı otaqda yatmalısan | Sevgilisinin xəyanətini tutan Turanə Hüseynli - QAPQARA

Baku TV-də yayımlanan “Qapqara” verilişinin yeni buraxılışı efirə gedib.

Verilişin budəfəki sayının qonağı aparıcı, aktrisa Turanə Hüseynli olub.

Aparıcı sevdiyi ailə modelindən danışıb: “Qarşılıqlı hörmət olmalıdır. Ailədə hər şey bölüşdürülməlidir. Məsələn, mən həyat yoldaşım olsa, ona sevə-sevə yemək hazırlamaq istəyərdim. Amma həm də istəyərəm ki, bu gün yemək hazırlaya bilmirimsə, onu edə bilim”.

O, münasibətlərdə fasilələrin verilməsinin vacibliyini qeyd edib: “Mən başqası ilə bir evin içində uzun müddət yaşaya biləcəyimi düşünmürəm. Ona görə də münasibətə uzun müddət fasilələr vermək lazımdır. Tək səyahətlər, bir müddət ayrı-ayrı yaşamaq, hətta arzu olunardı ki, ayrı otaqlarda yaşayaq”.

Sevgilisi tərəfindən xəyanətə uğradığından bəhs edən aparıcı insanlara güvənmədiyini deyib:

“Çünki güvənimi qazanan şəxs qarşıma çıxmayıb. Hər dəfə inancımı puça çıxarıb. Münasibətdə olduğum şəxsin mənə xəyanət etdiyini ortaya çıxarmışam. Bunu xırda bir şeydə hiss etmişəm. Belə şeylər məni bəzən qorxudur. Kaş ki, başa düşməyən adam olardım və münasibət qurmaq mənim üçün asan olardı”.