Həyatları kabusa dönən sakinlərin problemi barədə açıqlama

Baku TV bir müddət əvvəl Gəncənin Məhsəti qəsəbəsi Müşfiq Adıgözəlov küçəsində yaşayan sakinlərin yağışlı günlərdə evlərinin həyətlərinə və zirzəmilərə su dolmasından şikayətçi olmaları ilə bağlı süjet yayımlamışdı.

Sakinlər 25 küçənin suyunun onların həyətlərinə axdığını bildiririr, bəzi vətəndaşlar isə mövcud problem səbəbindən evlərini satmaq istədiklərini deyirdilər. Artıq sözügedən problemin həlli istiqamətində işlərə başlanılıb.

“Hazırda Gəncə şəhər Mənzil Kommunal Təsərrüfatı İstehsalat Birliyi və Azərbaycan Dövlət Su Ehtiyatları Agentliyinin mütəxəssiləri tərəfindən hazırlanan layihə həyata keçirilir. Uzunluğu 367 metr olan suötürücü boru çəkilir. İşlərin xeyli hissəsi görülüb və son tamamlama işləri aparılır”, – deyə Gəncə şəhər Mənzil Kommunal Təsərrüfatı İstehsalat Birliyindən məlumat verilib.