Heyvanlar insanlarla necə danışacaq? - Sınaqların nəticəsi alimləri hərəkətə keçirdi

Yaxın gələcəkdə ev heyvanları ilə ünsiyyət tamamilə yeni səviyyəyə çıxa bilər.

Siçanlarla uğurlu təcrübələrdən ilhamlanan alimlər itlərin beynini süni intellektə qoşmağı planlaşdırırlar.

Mövzu haqqında danışan neyrofizioloq Mixail Lebedev deyib ki, bu, dördayaqlı dostlarımıza sahiblərini yalnız başa düşməyə deyil, həm də onlarla danışmağa imkan verəcək.

Ekspert rusiyalıları bu cür texnologiyaların inkişafından qorxmamağa çağırıb və süni intellektin insanlara yalnız fayda verdiyini vurğulayıb.

“Neyrointerfeyslər (beynə qoşulan və müxtəlif əməliyyatları yerinə yetirən qurğular) həm insanlar, həm də heyvanlar üçün əvəzolunmaz köməkçilərə çevriləcək”, – deyə o bildirib.

Neyrofizioloqun fikrincə, gələcəkdə texnologiyaların inkişafı ilə onların əlçatanlığı artdıqca, ev heyvanları ilə əlaqə qurmaq üçün belə cihazları istəyən hər kəs ala biləcək.

O həmçinin bildirib ki, itlərlə hətta xarici dildə danışmaq da mümkün olacaq.