Pleyeri seçin:
Horadiz–Ağbənd dəmiryol xəttində son vəziyyət necədir? - İkinci tunel...
Horadiz–Ağbənd dəmiryol xəttində ikinci tunelin qazma işləri yekunlaşıb.
Bu barədə “Azərbaycan Dəmir Yolları” QSC məlumat yayıb.
Bildirilib ki, Horadiz–Ağbənd dəmiryol xəttində həyata keçirilən tikinti işlərinin 62 faizi tamamlanıb.
“Ox üzrə uzunluğu 110,4 kilometr olan yolun 104 və 106-cı kilometrliklərində dəmiryol tunelləri inşa olunur. Tunellərdən biri müstəqil Azərbaycanın tarixinin ilk, digəri isə ölkənin ən uzun dəmiryol tunelidir. 106-cı kilometrlikdə yerləşən və uzunluğu 1071 metr olan tuneldə artıq qazma işləri yekunlaşıb və bununla tunel tikintisinin 65 %-i tamamlanıb. Qazma işlərindən sonra tuneldə izolyasiya və üzləmə işləri yerinə yetiriləcək”, – deyə məlumatda qeyd edilib.
Kopyalandı
#Horadiz-Ağbənd dəmir yolu teqi istifadə olunub
Seçilmişlər
