Hotellərdə bayram qiymətləri : 750-830 manat

Novruz bayram günlərində istirahət məkanlarında qiymət artımı çoxunun narazılığına səbəb olur.

Şəkidə yerləşən beşulduzlu hoteldən verilən məlumata görə, bayram günlərinə nəzərdə tutulan xüsusi proqrama görə qiymətlər qalxıb. Hoteldə adi günlərdə 1 gecə üçün iki nəfərlik nömrələrdə qiymət 150 manat, martın 20-22-də isə 230 manatdır.

Qubakı beşulduzlu hotelin marketinq menecerinin sözlərinə görə, bahalaşma tələbatın artması ilə bağlıdır. Onlarda həftəiçi adi günlərdə 1 gecəlik nömrənin qiyməti 135 manatdır. Bayramda isə fərqli qiymət təklif edilir.

Digər hotellərdə də qiymət artımı müşahidə edilir. Məsələn, Şabranda yerləşən beşulduzlu hoteldə adi günlərdə 1 gecə üçün iki nəfərlik nömrənin qiyməti 125-180 manat olduğu halda martın 20-22-si üçün 310-360 manat arasında dəyişir.

Cənub mirvarisi Lənkəranda hoteldə adi günlərdə qiymət 140-210 manat, martın 20-22-də 750 manat, Şamaxıdakı hoteldə adi günlərdə qiymət 160-250 manat, martın 20-22-də 640-830 manatdır.

Ekspertlər qiymət artımını hotellərin sayının azlığı ilə izah edirlər. Turizm eksperti Ceyhun Aşurov bildirib ki, bayram günlərində hotel və istirahət mərkəzlərinin əksəriyyətində yerlər dolu olsa da, turistlər üçün güzəştlər nəzərdə tutulmur.

C.Aşurov onu da əlavə edib ki, hər hansı bayramda xarici ölkələrdə də hotellərin qiymətində artım müşahidə edilir. Tələbat azaldıqca isə qiymətlər də düşür.  ...