İblis olmasa, həyat maraqsızdır | "Alimlər" islam dünyasını niyə geriyə salıb? - AMİN

“Amin” verilişinin yeni buraxılışı yayımlanıb.

Proqramın budəfəki buraxılışında yazıçı Şərif Ağayar və tarixçi Rəşad Mustafa ilə xeyir və şər mövzusu müzakirə edilib.

“Qurani-Kərim”də belə bir ayə var: “Sizin xeyir bildiyiniz şər, şər bildiyiniz xeyir ola bilər” söyləyən Rəşad Mustafa qeyd edib ki, İslam dinində insanlara xeyir işlərdə bir-biri ilə yarışmaq lazım olduğu deyilir:

“Xeyir işlərdən biri elm öyrənməkdir. 11-ci əsrdə İslam dünyasının alimləri elm öyrənməkdə yarışa-yarışa ən yüksək səviyyəyə gəlib çıxdılar. Bu gün “İslam alimləri” xeyir işləri ehkamçılıq üzərində qurduqları üçün tamamilə geriyə düşmüşük. Keçmişdə dini anlayış insanlara müsbət təsir göstərirdi”.

Şərif Ağayar isə insanların “Allah ədalətlidirsə, niyə şəri yaradıb?” fikrinə münasibət bildirib:

“Biz bu dünyaya imtahan üçün gəlmişik. İnsanın ali məqsədi Tanrının verdiyi ruhu onun hüzuruna salamat qaytarmaqdır. Bu yolda insanın sədaqəti İblislə yoxlanılır. Şərsiz həyat çox maraqsız olardı. Yəqin ki, cənnət darıxdırıcı yerdir. Orada dramaturgiya yoxdur”.