İçməli suya xeyli qənaət ediləcək | SOCAR-dan vacib layihə

SOCAR texniki su xəttinin Heydər Əliyev adına Bakı Neft Emalı Zavodunun ərazisinə gətirilməsi üçün layihə üzərində çalışır.

Bu barədə “Azərsu”nun Elektron idarəetmə və müasir texnologiyalar departamentinin rəisi Cabbar Cabbarlı Bakı Su Həftəsi Konfransında bildirib.

Onun sözlərinə görə, Neft Emalı Zavodu ən böyük su istehlakçılarından biridir və ay ərzində 350-400 min kubmetr su alır. SOCAR-ın layihəsi reallaşdığı təqdirdə bu həcmdə içməli suya qənaət ediləcək.

Departament rəisi deyib ki, sənaye müəssisələrində sudan soyutma məqsədilə istifadə edilir.