“İndi kişi sözü yoxdu” | Mərdəkanlı ağsaqqal "lüt” gəzən gənclərdən danışdı - O VAXTLAR

Baku TV-də yayımlanan “O vaxtlar” verilişinin yeni buraxılışı efirə gedib.

Budəfəki buraxılışda Mərdəkan sakini Rafiq Mirzəyev köhnə adətlərdən danışıb.

Bakılı ağsaqqal indiki gənclərin geyim tərzindən gileylənib: “Metroda bir də görürsən, kişi oturub, dizləri görünür. Ovaxtkı abır-həya qalmayıb. Mərdəkanda başıaçıq gəzən bir nəfər var idi. Heç kəs papaqsız gəzmirdi”.

R.Mirzəyev ailə münasibətlərindən danışarkən həyat yoldaşı ilə evliliyini nümunə çəkib: “51 il birlikdə yaşamışıq, bir dəfə də problem yaşamamışıq. 4 ildir vəfat edib, hələ də şəkli telefonumdadır. Hər səhər oyanan kimi birinci ona baxıram”.