İnfarktın əlamətlərinə bənzəsə də… | "Qırıq qəlb" sindromu təhlükəlidir?

Takotsubo kardiyomiyopatiyası, yaxud “qırıq qəlb” sindromu gözlənilməz güclü emosional sarsıntıya reaksiya olaraq baş verir və döş qəfəsində ağrı ilə müşayiət olunur. Ürəyin sol mədəciyinin keçici disfunksiyasıdır.

Rusiyalı kardioloq Polina Kontsedailo “İzvestiya”ya bu haqda danışıb və bildirib ki, Takotsubo sindromunun inkişafı ilə ürək əzələsi bərabər şəkildə daralma qabiliyyətini itirir: sferik forma alan və ürəyin yuxarı hissəsinin daralma qabiliyyəti azalır, bazal hissələrin daralması artır.

“Qırıq qəlb” sindromu şiddətli stres, sıx emosiyalar fonunda inkişaf edir. Bəzən sevinəndə də baş verə bilər və bu zaman “xoşbəxt ürək” sindromu adlanır.

Bu kardiyomiyopatiya müxtəlif xəstəliklər, kəskin vəziyyətlər, tibbi müdaxilələr və dərmanların istifadəsi nəticəsində baş verə bilər. Takotsubo sindromunun simptomları bəzən miyokard infarktı əlamətlərindən fərqlənmir: döş qəfəsində sıxıcı və ya yanma ağrısı, nəfəs darlığı hissi, həddindən artıq tərləmə, anormal ürək ritmləri, huşun itirilməsi kimi əlamətlər ola bilər. Ən çox 50 yaşdan yuxarı qadınlara təsir göstərir, lakin cavan kişilərdə və qızlarda da xəstəliyin nadir halları mövcuddur.

“Qırılmış ürək” sindromunun proqnozu ümumiyyətlə müsbətdir. Əksər xəstələrdə ürəyin fəaliyyətindəki bütün dəyişikliklər bərpa olunur və 1-4 həftə ərzində sıxılması normallaşır. Bu müddət ərzində xəstə ciddi tibbi nəzarət altında klinikada qalmalıdır.

Takotsubo sindromunun xoşxassəli xəstəlik hesab edilməsinə baxmayaraq, bu diaqnozu olan insanlarda kəskin ürək çatışmazlığı və hətta ölüm halları kifayət qədər yüksəkdir.