İnsan beyni real həyatdakı sosial problemləri təhlil edir

Son elmi araşdırmalar insanların təkcə yuxu vəziyyətində deyil, eyni zamanda oyaq olduqları zaman da yuxugörməyə bənzər hallar yaşadıqlarını üzə çıxarıb.

Bu maraqlı faktı Paris Beyin İnstitutunun tədqiqatçısı Nikolas Dekat qeyd edib.

Alimin sözlərinə görə, insanlar yuxuya dalmazdan bir qədər əvvəl gerçək və qeyri-adi yuxuyabənzər situasiyalarla üzləşirlər. 92 könüllünün qatıldığı təcrübə zamanı mütəxəssislər iştirakçıların yuxuya keçid prosesini müxtəlif anlarda dayandıraraq, onlardan zehni yaşantılarını izah etmələrini xahiş ediblər.

Sınaq müddətində beyin aktivliyi mütəmadi olaraq izlənilib. Təhlillər iştirakçıların dörd fərqli zehni haldan keçdiyini sübut edib: ani xatirələr, qəribə və narahatedici vizuallar, habelə şüurlu düşüncələr.

Tədqiqatın nəticələri sübut edir ki, yuxugörmə prosesi özünəməxsus zehni "məşq platforması" rolunu oynayır. Yuxuda olarkən insan beyni real həyatdakı sosial problemləri təhlil edir.

Beləliklə, yuxular insanların ictimai mühitdəki fəaliyyətində və qərarlarında indiyədək ehtimal olunduğundan daha həlledici əhəmiyyətə malikdir.