Pleyeri seçin:
İnsanlar hansı yaşda özünü bədbəxt hiss edir? | Professor həyəcan təbili çaldı
Xəbərlərimizi Google-da izləyin
Yeniliklərdən dərhal xəbərdar olun
İnsan həyatı boyu müxtəlif yaş dönəmlərində krizlər keçirə bilər.
Professor Devid Blençflauer insanın özünü ən depressiv hiss etdiyi yaşla bağlı açıqlama verib.
“Elmi araşdırmalar göstərib ki, 50 yaşa 2-3 il qalmış ən bədbəxt hiss edilən yaşdır. Aparılan sorğular dünyada 80 % insanın daha çox 47 yaşda özünü bədbəxt hiss etdiyini sübut edib. Məlumatlar 132 müxtəlif ölkənin bazalarından götürülüb. Təhsil, iş, ailə vəziyyəti nəzərə alınaraq, əminliklə deyə bilərik ki, yaşa görə xoşbəxtlik qrafikində ən aşağı nöqtə 47 yaş və 2 aydadır”, – deyə Devid Blençflauer bildirib.
O qeyd edib ki, bu dönəmi orta yaş krizi adlandırmaq olar. Bundan sonra insan özünü yaxşı hiss edir və həyat daha şən olur. Belə bir effekt dünyanın bütün ölkələrində, istər zəngin, istər yoxsul əhali arasında eynidir.
“Alimlər hesab edirlər ki, məhz bu yaşda artıq insan fizioloji, mənəvi olaraq qocaldığını hiss edir. Qocalmaq qarşısında qorxu depressiya və ümidsizlik gətirir. Əgər siz bu nöqtədəsinizsə, bilin ki, tək deyilsiniz və bundan sonrası daha yaxşı olacaq. Krizdən çıxmaq üçün aktiv olaraq özünüzlə məşğul olmalı, təbiətdə, səyahətlərdə olmalı, yaxşı qidalanmalısınız. Müasir insan üçün 47 qocalıq yox, elə orta yaşın başlanğıcıdır”, – professor əlavə edib.
Kopyalandı
Seçilmişlər
