İnternetdəki hesabda nəyi yazmaq olmaz? | Qarşı cinsin ən çox diqqətini çəkən isə...

XXI əsrdə insanlar internetdən çox asılıdır və hətta gənclər yeni tanışlıqlarla yanaşı, həyat yoldaşını da onlayn platformalarda axtarırlar.

Bu halda tanışlıq proqramında yaxşı profil yaratmaq xüsusilə vacib addımdır.

Rusiyalı psixoloq Tatyana Lyubina “Gazeta.Ru”ya müsahibəsində kiminsə diqqətini cəlb etmək üçün profilə nə yazmağın və nəyi qeyd etməməyin vacibliyindən danışıb.

“İşlədiyiniz şirkətləri siyahıya salmaqdan çəkinin. Bu yerləri qeyd etmək təhlükəli ola bilər. İdman proqramlarından yarış-müsabiqə nəticələri olan “screenshot”ları əlavə etməyin, bu da ziyarət etdiyiniz ünvanları göstərər. Səfər etdiyinizi ölkələri yazmağınız və ixtisaslaşdığınız sahəni qeyd etməyiniz kifayətdir”, – o qeyd edib.

T.Lyubina vurğulayıb ki, profildə fanatlardan gələn vulqar mesajlardan, bezdirici eks-sevgililərdən şikayətlənməyə, bəy, yaxud xanım seçmək üçün sərt şərtlərinizi qeyd etməyə ehtiyac yoxdur. Çünki neqativ profilin müsbət tonu olmur və cəlbedicilik itir.

“Potensial “ideal tərəfdaş” üçün tələblərin həddən artıq uzun siyahısı hətta əlaqələrə çox və aktiv şəkildə sərmayə qoymağa hazır olanları belə narahat edə bilər. Əgər həqiqətən çox seçici insansınızsa, bunu yazışmalarda və ya şəxsən göstərin. Nə istədiyinizi dəqiq bilmək çox vacibdir. Aydın və konkret ifadələr vaxtınıza qənaət edəcək və həqiqətən sizə uyğun olanları cəlb etməyə imkan verəcək”, – T.Lyubina bildirib.

“Daha təvazökar olmağa çalışın. Profil şəkilləri insanların diqqətini çəkən ilk nüansdır. Hansı fotoşəkillərin sizin barədə məlumat verəcəyini düşünün. Belə fotolar canlı ünsiyyət hissi yaradır və profili daha maraqlı edir. Monotonluqdan qaçmağa çalışın. Ən əsası özünüz olmaqdır. Açıq və səmimi olduğunuzu göstərin, çünki bu, inamı və sizi daha yaxından tanımaq istəyini ruhlandırır”, – psixoloq məsləhət görüb.

Psixoloq əmindir ki, profildə öz qüsurlarını qeyd etmək, qvineya donuzlarının fotoşəkillərini yerləşdirmək qədər pis addımdır:

“Anketi həddən artıq yükləməyə də ehtiyac yoxdur. Sizi xarakterizə edən bir neçə əsas fəaliyyət seçmək daha yaxşıdır. Məsələn, qaçmaq və oxumaq. Uşaqlıqdan bəri maraqlandığınız hər şeyi təsvir etmək şübhəli bir işdir”.