İsmayıllıda səhiyyə işçiləri toplandı | Bayram tədbirindən görüntülər

İsmayıllıda Heydər Əliyev İli çərçivəsində 31 Dekabr – “Dünya Azərbaycanlılarının Həmrəylik Günü” ilə əlaqədar səhiyyə veteranları ilə görüş keçirilib.

Rayon İcra hakimiyyəti və Mərkəzi Xəstəxananın təşkilatçılığı ilə keçirilən tədbirdə icra başçısı Nahid Bağırov, idarə, təşkilat, müəssisə rəhbərləri, şəhid ailələri, tibb işçiləri, veteran səhiyyə işçiləri iştirak ediblər.

İlkin olaraq Vətənimizin azadlığı uğrunda canından keçən şəhidlərimizin xatirəsi 1 dəqiqəlik sükutla yad edilib.

İsmayıllı Rayon Mərkəzi Xəstəxanasının direktoru Vidadi Rəhimov tədbir iştirakçılarını 31 Dekabr – “Dünya Azərbaycanlılarının Həmrəylik Günü” və “Yeni İl” münasibətilə təbrik edib. Son 1 ildə səhiyyə sahəsində əldə edilən uğurlardan, görülən işlər barədə ictimaiyyətə məlumat verib.

RİH başçısının müavini Sevil Əhmədova tədbir iştirakçılarını bayram münasibətilə təbrik edib, şərəfli və məsuliyyətli peşə sahibləri olan tibb işçilərinə göstərilən diqqət və qayğıdan danışıb.

İsmayıllı Rayon İcra Hakimiyyətinin başçısı Nahid Bağırov bir qrup tibb işçisini səhiyyə sahəsindəki səmərəli fəaliyyətinə görə təşəkkürnamə və pul mükafatı ilə mükafatlandırıb. Tədbir musiqi proqramı ilə davam edib.