Pleyeri seçin:
İstehsalçı qiymətin endiyini, satan isə bahalaşdığını deyir
Azərbaycandan Rusiyaya yumurta ixracına başlanılmasının qiymət artımına səbəb olmayacağı deyilsə də, hazırda bunun əksi baş verir.
Yumurtanın pərakəndə satışı ilə məşğul olan şəxslər bahalaşmanı topdansatış qiymətinin artması ilə əlaqələndirirlər.
Azərbaycan Quş Əti, Yumurta İstehsalçıları və İxracatçıları Assosiasiyasının sədri Mürvət Həsənli isə deyilənlərlə razılaşmır. Bildirir ki, yumurtanın istehsalçı qiyməti nəinki artıb, əksinə ötən illə müqayisədə aşağı düşüb:
“İçərisində 360 yumurta olan bir qutunun marketə çatdırılma da daxil olmaqla, qiyməti 53 manat təşkil edir ki, bu da 1 yumurta üçün 14,5 qəpik deməkdir. Bu qiymət hətta ötən ilin eyni dövründəkindən 1 qəpik ucuzdur”.
Assosiasiya sədrinin sözlərinə görə, ölkədə yumurtaya gündəlik tələbat 3 milyon 600 min, istehsal isə 5 milyon ədəddən çoxdur. Bu, gündəlik tələbatdan artıq 1 milyon 400 min yumurta deməkdir. Rusiyaya isə cəmi 1 milyon 800 min yumurta göndərilib.
Kopyalandı
#Yumurta ixracı teqi istifadə olunub
Seçilmişlər
