İstifadə etmədiyiniz telefonları atmayın, çünki... | Köhnə telefonların yeni imkanları

İstifadə olunmayan smartfonları atmaq lazım deyil, çünki onlar müxtəlif problemləri həll edən faydalı qadcetə çevrilə bilər.

Köhnə smartfon asanlıqla evinizə nəzarət etmək üçün müşahidə kamerası olar. Bunun üçün sizə sadəcə stend, şarj cihazı və “Alfred Camera” kimi proqram lazımdır.

Telefonu lazımi yerə quraşdırmaqla siz əsas qadcet vasitəsilə baş verənləri uzaqdan izləyə biləcəksiniz.

Videoregistrator alışına pul xərcləmək istəməyənlər üçün köhnə telefon əla alternativdir. “Droid Dashcam” kimi proqramlar səyahət edərkən video yazmağa kömək edəcək. Köhnə telefon uşağınıza nəzarət etmək üçün istifadə edilə bilər. “BabyCam” kimi proqramlar körpənizi nəinki görməyə, həm də onunla uzaqdan ünsiyyət qurmağa imkan verir.

Proqramı iki cihaza quraşdırın. Övladınıza qulluq etmək üçün rahat və ucuz alət əldə edəcəksiniz. Smartfonu ayrıca əyləncə mərkəzinə çevirmək olar. Musiqi dinləyin, videolara baxın və ya elektron kitab kimi istifadə edin. Bu yolla əsas telefonunuzda batareyaya qənaət edə və diqqətinizi yayındıran amilləri azalda bilərsiniz.