İtlər, əslində, nə vaxt xoşbəxt olur? | Onları başa düşmək istəyirsinizsə...

Arizona Dövlət Universitetinin alimləri müəyyən ediblər ki, insanlar çox vaxt itlərinin emosiyalarını səhv anlayırlar.

Səbəb odur ki, sahiblər ev heyvanının vəziyyətini davranışına görə deyil, vəziyyətin kontekstinə əsasən qiymətləndirirlər.

Təcrübə zamanı tədqiqatçılar iştirakçılara müxtəlif situasiyalarda olan itlərin videolarını nümayiş etdiriblər: onlara yem, xalta uzadıldıqda, eləcə də onlara yüngül cəza verildikdə və ya tozsoran işə salınanda insanlar itin əhvalını onun ifadə və davranışına görə deyil, ətrafdakı şəraitə görə qiymətləndirirlər.

Aparıcı müəllif Holli Molinaro deyib ki, biz itin özünə deyil, onun ətrafındakı vəziyyətə baxırıq. Məsələn, əgər bir itə yemək verilirsə, üz ifadələri və duruşu əksini göstərsə belə, insanlar avtomatik olaraq onun xoşbəxt olduğunu düşünürlər.

Bundan əlavə, təsdiqlənib ki, insanlar öz duyğularını itlərə aid etməyə meyllidirlər ki, bu isə qavrayışı daha da pozur.

Elm adamları ev heyvanlarının sahiblərini onların əsl hisslərini daha yaxşı başa düşmək üçün daha diqqətli olmağa çağırırlar.