Kanalda batan 10 yaşlı uşağın cansız bədəni çıxarıldı

Samur-Abşeron kanalında batan yeniyetmənin meyiti tapılıb.

Fövqəladə Hallar Nazirliyindən verilən məlumata görə, su kanalının Xaçmaz rayonu, Armudpadar kəndindən keçən hissəsində, nəzarətsiz ərazidə batdığı ehtimal olunan 2013-cü il təvəllüdlü Məhəmməd Pirsaatovun axtarışları başa çatıb.

Onun meyiti batdığı ərazinin yaxınlığında, dalğıc-axtarış qrupu tərəfindən tapılaraq sudan çıxarılıb və aidiyyəti üzrə təhvil verilib.