Kəlbəcərdən yeni görüntülər | Daxili yolların tikintisi davam edir

Avtomobil Yolları Dövlət Agentliyi Kəlbəcər şəhərinin daxili yollarının tikintisini davam etdirir.

Şəhərin daxili yollarının 4 tip en kəsiyinə uyğun tikilməsi nəzərdə tutulub. Hər bir tip en kəsiyinin əhəmiyyətinə uyğun olaraq hərəkət zolaqlarının sayı 2-4 ədəd, eni 3-3,5 metr, yaşıllıq zolağının eni 1,5-3 metr, velosiped zolağının eni 0,7-1,5 metr, piyada zolağının eni 2-4 metr, tramvay zolağının eni isə 4 metr təşkil edir.

Yolların torpaq yatağının eni 12-18-24-30 metr olaraq dəyişir. Ümumi uzunluğu 26,5 km təşkil edəcək şəhər daxili yollarının birinci mərhələdə 18,9 km hissəsinin tikintisi işləri aparılır.

Kəlbəcər şəhərinin ilk yaşayış məhəlləsini əhatə edən 6 km uzunluğunda daxili yollarda yol yatağının tikintisi başa çatıb, hazırda təqribən 3,6 km hissədə torpaq işləri həyata keçirilir.

Bundan başqa, küçələr boyu Kəlbəcər şəhərinin kommunikasiya xətlərinin tikintisi işlərinin də icrası artıq yekunlaşmaq üzrədir. Tikintinin 2026-cı ildə başa çatdırılması nəzərdə tutulur.