Kəmalə Piriyevanın illərlə gizlətdiyi sirr | Valideynləri onu niyə qəbul etmirdi? - QAPQARA

“Qapqara” verilişinin yeni buraxılışı yayımlanıb.

Verilişin budəfəki sayının qonağı aparıcı Kəmalə Piriyeva olub.

O qeyd edib ki, incəsənət sahəsinə uşaqlıqdan marağı olsa da, bunu ətrafından gizlədib.

“Məndən böyüyəndə kim olacağımı soruşanda deyirdim ki, psixoloq olmaq istəyirəm. Əslində isə bu belə deyildi. Amma incəsənət sahəsində olmaq istədiyimi göstərməyə çalışırdım. Məktəb tədbirlərində həm aparıcı olurdum, həm şeir deyirdim, həm də mahnı oxuyurdum. Kənardan məni həvəsdən salacaq sözləri eşitmək istəmədiyimə görə bu sahəyə yönəlmək istədiyimi demirdim”.

İnsan münasibətlərindən də danışan aparıcı söyləyib ki, yeni tanış olan insanların bir-birinə kifayət qədər səmimi davrandıqlarına inanmır:

“Özünü qorumaq üçün sərhədi saxlamaq lazımdır. İnsanlar özlərini olmaq istədikləri kimi təqdim edirlər. Həmin adamın necə olması müxtəlif vəziyyətlərdə ortaya çıxır. Ona görə də kənardan müşahidə edirəm, daha sonra qərar verirəm ki, sərhədi açmaq lazımdır, yoxsa bağlamaq”.