Kəskin hava dəyişkənliyinin orqanizmə təsiri | Həkimdən mühüm açıqlama

Qışda bir çox insan tez-tez baş ağrıları ilə üzləşir və bunun bir neçə izahı var.

Rusiyanın əməkdar həkimi Aleksandr Konkov əsas səbəblərdən biri kimi atmosfer təzyiqinin dəyişməsini göstərib. Onun sözlərinə görə, kəskin temperatur dəyişiklikləri beyin damarlarının spazmına səbəb ola və başağrısına gətirib çıxara bilər.

Bundan əlavə, qış mövsümü günəş işığının çatışmazlığı ilə xarakterizə olunur ki, bu da orqanizmdə D vitamininin istehsalına təsir göstərir. Onun çatışmazlığı yaxşı əhvali-ruhiyyə və ümumi rifahdan məsul olan serotonin hormonunun səviyyəsinin azalmasına səbəb ola bilər. Onun çatışmazlığı baş ağrılarını təhrik edə və həmçinin orqanizmin stres faktorlarına həssaslığını artıra bilər.

Digər amil istilik sistemlərinin işləməsi nəticəsində qapalı məkanlarda havanın quru olmasıdır. Quru hava burun və boğazın selikli qişasını qıcıqlandırır ki, bu da burun tıxanıqlığına və nəticədə başağrısına gətirib çıxarır.