Kişi və qadınların ürək döyüntülərində əsas fərqliliklər nələrdir? | Detallar açıqlandı

Ürəyin təbii kardiostimulyatoru olan sinoatrial düyün kişi və qadınlarda fərqli fəaliyyət göstərir.

Bu barədə “naukatv.ru” xəbər verib.

Qeyd olunub ki, yeni araşdırmalara əsasən, bu fərq ürək ritmini və aritmiya həssaslığını müəyyən edən genetik amillərlə bağlıdır.

Ohayo Dövlət Universitetindən Vadim Fyodorov deyib ki, biz ilk dəfə olaraq sinoatrial düyünün funksiyasını idarə edən genlərin cinsiyyətə xas olduğunu kəşf etdik.

Tədqiqatçılar donorların ürəklərini tədqiq edərək sinoatrial düyünün kardiostimulyator hüceyrələrində unikal genetik quruluşları müəyyən ediblər. Genetik təhlillər nəticəsində cinslər arasında fərqliliklər aşkar edilib.

Araşdırmalara görə, qadınlarda daha sürətli ürək döyüntüsünü təşviq edən genlərin yüksək səviyyədə ifadə olunduğu məlum olub. Kişilərdə isə elektrik keçiriciliyini poza bilən iltihab və kollagen istehsalı ilə əlaqəli genetik şəbəkələrin daha aktiv olduğu müəyyən edilib. Bildirilib ki, bu kəşf ürək ritm pozğunluqlarının müalicəsində fərdiləşdirilmiş terapiya üçün yeni imkanlar yarada bilər.