Kişilər ətir seçərkən nəyə diqqət etməlidir?

Kişilər aromalar baxımından daha seçici olmalı və qoxularını ətirlərlə “ört-basdır etməyə” çalışmamalıdırlar.

Bunu “Pure Sense” brendinin gözləri görməyən ətriyyatçısı Nastya Vislobokova deyib. O, güclü cinsin nümayəndələrinin çox vaxt ətir və odekolon seçiminin vacibliyi barədə düşünmədiyini deyib.

Mütəxəssisin fikrincə, kişilərin çoxu eyni qoxuya malikdirlər: “Bu sahədə olan Sport prefiksli bütün ətirlər təxminən eyni qoxuya malikdir. Xoşagəlməz olduğunu demirəm, amma hamıda çox bənzərdir. İnsanlar başqa bir şey seçməkdən qorxurlar”.

Kişi və qadın dərisində eyni ətir müxtəlif yollarla ortaya çıxır. Ona görə də kişilər öz seçimlərində daha cəsarətli olmalı, uniseks konsepsiyasına qayıtmalıdırlar.

Vislobokova qeyd edib ki, bu gün bir çox kişi bəzi vacib məqamları başa düşmür. Məsələn, tüstü qoxusunu ətirlə gizlətmək mümkün deyil.

“Chanel”in ən yaxşı ətirindən istifadə etsəniz də, kömək etməyəcək. Şəxsən mən həmişə insan onu ətirlə necə maskalasa da, spirt qoxusunu alıram” – deyə o etiraf edib.