Kişilərin xoşuna gəlməyəcək xəbər | Qadınlar buna daha çox ehtiyac duyur, çünki...

Somnoloqlar və həkimlər gündə 7-9 saat yatmağı tövsiyə edirlər. Lakin ümumiyyətlə, qadınlar kişilərə nisbətən çox daha tez-tez yuxu problemi yaşayırlar və bu, psixoloji sağlamlığa, həmçinin ürək-damar xəstəlikləri və şəkərli diabetin yaranmasına təsir göstərə bilər.

Yuxu və davranış tibbinin mütəxəssisi Mişel Drəerup qeyd edib ki, qadınların menstrual dövrü, hamiləlik, süd vermə və menopauza zamanı baş verən aylıq hormonal dəyişikliklər də yuxunun keyfiyyətinə təsir edir: yuxu daha çox fasiləli, qısa və narahat olur.

Bundan əlavə, qadınlar kişilərə nisbətən iki dəfə daha çox narahatlıq və depressiya yaşayırlar, həmçinin gündə daha çox iş görürlər, buna görə də bərpa olmaq üçün daha çox yuxuya ehtiyac duyurlar. Ancaq mütəxəssis qeyd edir ki, orqanizmin yuxuya olan tələbatı həmişə fərdidir və bir çox amillərdən, o cümlədən ayıq qalma müddəti, gündəlik aktivlik və ümumi sağlamlıq vəziyyətindən asılıdır.