Kivi sirkəsi ilə arıqlayanların diqqətinə | Həkimlər həyəcan təbili çaldı

Son zamanlar sosial şəbəkələrdə arıqlamaq üçün kivi sirkəsi satılır.

Litri 17-20 manata olan məhsula insanlar çox maraq göstərir.

Bəs kivi sirkəsini içməklə həqiqətən də arıqlamaq olurmu və bu, sağlamlığımız üçün nə dərəcədə təhlükəlidir?

Diyetoloq Şəfa Yadigarova bildirib ki, əgər insanın mədə problemi varsa, sirkə ilə ehtiyyatlı olmalıdır. Əks halda, mədədə qanamalar ola bilər.

“Bəzi insanlar kivi sirkəsini acqarına, gündə 3-4 dəfə qəbul edirlər. Bu, yanlışdır. Kivi sirkəsinin acqarına qəbulu ciddi problemlərə gətirib çıxara bilər. Səhər 3-4 stəkan ilıq su içdikdən sonra 1 stəkan ilıq suya 1 çay qaşığı kivi sirkəsi əlavə edib içə bilərik”, – diyetoloq əlavə edib.

Həkim Abbas Bağırov isə qeyd edib ki, mənşəyi və hazırlanma şəraiti təsdiq olunmayan, bilinməyən istənilən məhsulun tibbi məqsədlə istifadəsi orqanizmə zərər verə bilər. Bağırsaq və qaraciyər xəstəlikləri zamanı kivi sirkəsi ilə arıqlama fəsadlar törədir.

Həkim onu da bildirib ki, arıqlamaq üçün ilk növbədə kökəlmənin, piylənmənin səbəbləri bilinməli və buna uyğun olaraq TƏBİB məsləhəti ilə tədbirlər görülməlidir.