Kivinin faydaları haqqında bilmədikləriniz | Həkimdən maraqlı açıqlama

Kivi təkcə dadlı desert deyil, həm də superqida adlandırıla bilən çox faydalı sağlamlıq məhsuludur.

Rusiyalı endokrinoloq Yekaterina Kazaçkova bildirib ki, kividə böyük miqdarda C vitamini var. O, orqanizmə viruslar və bakteriyalarla mübarizə aparmağa kömək edir, damar divarlarını möhkəmləndirir və hətta dəri üçün çox vacib olan kollagenin sintezində iştirak edir.

Bundan əlavə, kivi liflərlə zəngindir. Müvafiq olaraq bu məhsul bağırsaqlar üçün faydalıdır.

Həkimin sözlərinə görə, lif bağırsaqda yaşayan faydalı bakteriyalar üçün qidadır. O, onların çoxalmasına və mikrofloranın sağlam balansını qorumağa kömək edir.

Bir çox insan kivini istehlak edərkən onu qabığından təmizləyir. Endokrinoloqun fikrincə, bu, düzgün yanaşma deyil. Çünki kivinin məhz qabığında çoxlu faydalı maddələr var.

Daha bir maraqlı fakt kivinin digər məhsullarla mükəmməl uyğunlaşmasıdır. Məsələn, onu salatlara, smuzilərə əlavə etmək, hətta ət üçün marinad kimi istifadə etmək olar.