KOBİA-dan "Volt"la bağlı açıqlama
Kiçik və Orta Biznesin İnkişafı Agentliyində “Volt Azərbaycan” MMC-nin rəhbərliyi ilə görüş keçirilib.
Görüş son günlər şirkət ətrafında yaranmış vəziyyətlə bağlı olub.
Dövlət qurumundan verilən məlumata görə, görüşdə KOBİA-nın “Volt Azərbaycan”ın qanuni maraqlarının qorunmasına, yaranmış vəziyyətin həllinə dəstək olmağa hazır olduğu bildirilib.
Qeyd edilib ki, KOBİA mandatına uyğun olaraq daim sahibkarların yanındadır və onların qanuni maraqlarının müdafiəsi üçün səlahiyyətləri çərçivəsində biznes subyektlərinə dəstək göstərir.
Görüşdə eyni zamanda istehlakçıların hüquqlarının və sağlamlıqlarının qorunması, qida məhsullarının çatdırılmasında iştirak edən şəxslərin maraqlarının təmin olunması məsələlərinin vacibliyi də şirkət rəhbərliyinin diqqətinə çatdırılıb.