Pleyeri seçin:
Laçında hansı işlər görülür? - Kanat yolu nə zaman hazır olacaq? - Baku TV
“Laçın şəhərində inşa olunan kanat yolu layihəsinin həyata keçirilməsi istiqamətində işlər sürətlə davam edir”.
Bu barədə Azərbaycan Yerüstü Nəqliyyat Agentliyinin mətbuat katibi Tural Orucov bildirib.
O qeyd edib ki, layihənin 2026-cı ilin sonunadək istifadəyə verilməsi planlaşdırılır:
“Bu məqsədlə ərazidə yaşıllıqların köçürülməsi, kanat yolunun dayaqlarının və terminal sahələrinin bünövrə işlərinin aparılması, eləcə də zəruri avadanlıqların çatdırılması istiqamətində işlər həyata keçirilir”.
Tural Orucov vurğulayıb ki, layihələndirməyə əsasən, Laçın kanat yolunun ümumi uzunluğu 1720 metr, hündürlüyü isə 300 metr olacaq:
“Kanat yolu ilə hərəkət müddəti təxminən 6 dəqiqə təşkil edəcək. Burada 17 kabinə fəaliyyət göstərəcək və saatda 800 sərnişinin daşınması mümkün olacaq”.
O bildirib ki, layihənin həyata keçirilməsi bölgədə turizm infrastrukturunun inkişafına və ziyarətçilər üçün yeni imkanların yaradılmasına töhfə verəcək.
Kopyalandı
#Laçın kanat yolu teqi istifadə olunub
Seçilmişlər
