Leysan olacaq, qar yağacaq | Hava haqqında məlumat

“Oktyabrın 3-də Bakıda və Abşeron yarımadasında hava şəraiti dəyişkən buludlu, əsasən yağmursuz keçəcək. Lakin gecə bəzi yerlərdə qısamüddətli yağış yağacağı, şimşək çaxacağı ehtimal olunur”.

Bu barədə Milli Hidrometeorologiya Xidmətindən məlumat verilib.

Bildirilib ki, mülayim şimal-qərb küləyi arabir güclənəcək. Havanın maksimal temperaturu 20-25 dərəcə isti olacaq.

Əlavə olunub ki, bölgələrdə də yağıntılı hava şəraitinin davam edəcəyi, şimşək çaxacağı gözlənilir:

“Ayrı-ayrı yerlərdə leysan xarakterli intensiv olacağı, dolu düşəcəyi, yüksək dağlıq ərazilərdə isə qar yağacağı ehtimal olunur. Gündüz saatlarında yağıntılar tədricən kəsiləcək. Havanın maksimal temperaturu Aran rayonlarında 22-27, dağlıq ərazilərdə isə 8-13 dərəcə isti olacaq”.