Malıbəyli qəbiristanlığından yeni video | Ermənilərin əməlləri ortaya çıxdı

Erməni separatçıları işğal dövründə Xocalı rayonunun Malıbəyli kəndinin qəbiristanlığını tamamilə dağıdaraq yer üzündən siliblər.

İşğalçılar məqsədyönlü şəkildə azərbaycanlılara məxsus məzar daşlarını məhv ediblər. Qəbirlərin başdaşlarını sındırıblar, oğurlayaraq aparıblar, məzarları isə qazıblar. Bir çox qəbirdaşlarını isə tanınmaz hala salıblar.

Malıbəyli işğaldan azad ediləndən sonra qəbiristanlıqda bərpa işlərinə başlanılıb, bir neçə başdaşı əvvəlki yerinə qaytarılıb. Amma məzarların əksəriyyətinin yerini müəyyənləşdirmək belə mümkün deyil. Qeyd edək ki düşmən məzarlıqlarla yanaşı, kəndin dini, mədəni, tarixi abidələrini də dağıdaraq viran qoyub.