"Qayıdıram doğma yurda..." | Xocalının Təzəbinə kəndində hansı işlər görülüb?

Azərbaycanın işğaldan azad edilmiş ərazilərində həyata keçirilən "Böyük Qayıdış" proqramı çərçivəsində Xocalı rayonunun Təzəbinə kəndində bərpa və yenidənqurma işləri sürətlə davam etdirilir. Kəndin tamamilə yenidən qurulması, müasir infrastrukturun yaradılması və sakinlərin rahat yaşayışı üçün zəruri olan bütün kommunal xidmətlərin qurulması prosesi artıq yekunlaşmaq üzrədir. Təzəbinədə inşa edilən yeni yaşayış binaları, məktəb, bağça və digər sosial obyektlər kəndin simasını tamamilə dəyişib. Layihə çərçivəsində ekoloji standartlara uyğun yaşayış mühitinin yaradılmasına xüsusi diqqət yetirilib. Doğma yurdlarına qayıtmağa hazırlaşan sakinlərin məşğulluğunun təmin edilməsi üçün də perspektiv planlar işlənib hazırlanıb. Baku TV-nin xüsusi reportajında kənddə görülən işlərin son vəziyyəti və bərpa prosesinin detalları əks olunub.