Masallıda Vağ quşları meşədə məskən salıb
Əsasən su hövzəsi ətrafında olan vağ quşları Masallının Viləş kəndindəki meşə zolağında məskən salıb.
Sakinlərin sözlərinə görə, bu günə qədər belə hal müşahidə olunmayıb.
Qızılağac Milli Parkının böyük elmi işçisi Müstəqim Bəşirov meşə ərazisində məskunlaşan quşların əsasən ağ, boz, Misir vağları olduğunu bildirib. Onun sözlərinə görə, quşların Qızılağac Milli Parkı ərazisindən təqribən beş km aralıya yerdəyişmələrinin səbəbi qida ilə bağlıdır:
“Meşə ərazisinə yaxın yerlərdə yonca, buğda sahələri var ki, quşlar da bu sahələrə daraşan qurdlar, çəyirtkələrlə qidalanırlar. Onlar təsərrüfatlar üçün xeyirli olsalar da, meşə təsərrüfatına ciddi ziyan vurublar. Belə ki, quşların ifrazatı ağacın budaqlarını, yarpaqlarını zədələyir. Bu da gələcəkdə ağacın qurumasına səbəb ola bilər”.
Ekoloq onu da bildirib ki, vağ quşlarının yerdəyişməsi müvəqqətidir. Bir-iki aydan sonra onlar yenidən su hövzələrinə geri dönəcəklər.
#Masallı teqi istifadə olunub
- "Xəcalət çəkirik, uşaqlarımızı..." | Problemi həll edilməyən sakinlər özündən çıxdı - Baku TV
- 69 yaşlı qadının tükürpərdən ölümü | "Hər yeri axtarıblar, qızıllarına dəyməyiblər" - Baku TV
- “Hamısı çatladı” | Çernobıl əlili çarəsiz halda: “Gecə evdən səs gəlir, sanki zəlzələdir” - Baku TV
- "Uşaqdan ötrü yandı, öldü" | Qandonduran ailə faciəsinin səbəbi | "Gəlin gördü ki, əri..." - Baku TV
- Yırtıcılar bu kəndlərdə hamını qorxuya salıb
