Masallıda xarabalığı xatırladan məktəb dağılmaq üzrədir

Masallı rayon Mahmudavar kənd tam orta məktəbi 1978-ci ildən istifadəyə verilib. Fin tipli layihə əsasında tikilən məktəbdə bu günə kimi əsaslı təmir işləri aparılmayıb.

Hazırda bina qəzalı vəziyyətdədir: pəncərə-qapıları sınıq, döşəmə isə yararsızdır. İstilik sistemindən danışmağa belə dəyməz.

Vaxtilə 800-dək şagirdin üz tutduğu məktəbdə hazırda 397 nəfər təhsil alır. Valideynlər övladlarının təhlükəsizliyinə görə məcbur olub məktəblərini dəyişirlər.