Mayın son günü hansı bölgələrə yağış yağacaq? - Baku TV

Bakıda və Abşeron yarımadasında mayın 31-də hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Milli Hidrometeorologiya Xidmətindən verilən məlumata görə, gecə bəzi şəhərətrafı ərazilərdə qısamüddətli az yağış yağacağı ehtimalı var. Mülayim cənub-qərb küləyi axşam şimal-qərb küləyi ilə əvəz olunacaq. Havanın maksimal temperaturunun 20-25 dərəcə isti olacağı gözlənilir.

Bölgələrdə də əksər rayonlarda yağmursuz hava şəraiti müşahidə olunsa da, lakin mayın 31-i gündüz və iyunun 1-i gündüz saatlarında bəzi dağlıq ərazilərdə qısamüddətli yağış yağacağı, şimşək çaxacağı ehtimalı var. Mülayim qərb küləyi arabir güclənəcək. Havanın maksimal temperaturu Aran rayonlarında 23-28, dağlıq ərazilərdə 13-18, bəzi yerlərdə isə 22-25 dərəcə isti olacaq.