Mərkəzi Seçki Komissiyasının yeni tərkibdə ilk iclası keçirilib - Baku TV

Mərkəzi Seçki Komissiyasının yeni tərkibdə ilk iclası keçirilib.

Toplantıda Mərkəzi Seçki Komissiyasının yeni sədri və sədrə katiblərin seçilməsi ilə bağlı müvafiq qərar müzakirə edilib. İclasda Milli Məclisin sədri Sahibə Qafarova da iştirak edib.

İclasda Məzahir Pənahovun komissiyanın sədri seçilməsi barədə qərar səsverməyə qoyularaq, MSK üzvləri tərəfindən qəbul edilib. Səsvermədən sonra çıxış edən Məzahir Pənahov etimada görə təşəkkürünü bildirib.

“Bizim ümumilikdə 30 mindən artıq seçki strukturumuz – komissiyalarımız mövcuddur. Onların öz fəaliyyətlərini lazımi səviyyədə qura bilməsi üçün müxtəlif vacib məqamlar var. Bizə bütün şərait yaradılıb. Bunu məmnuniyyətlə qeyd edə bilərik. Nəzərə almaq lazımdır ki, bizim tələbələrimiz öz yerində, amma yəqin ki, bir az da ciddiləşəcək. Çünki dünya siyasətinə əsasən, ölkə nə qədər güclü siyasət yürüdürsə, onu istəməyənlər də çoxalır. Bunu nəzərə alaraq işimizi qurmalıyıq”, – deyə Məzahir Pənahov bildirib.

Qeyd edək ki, Mərkəzi Seçki Komissiyasının sonuncu tərkibi 2021-ci il aprel ayının 27-də formalaşmışdı. Məzahir Pənahov 2000-ci ildən quruma rəhbərlik edir.