Məşğulluq Agentliyindən vətəndaşlara yaradılan şəraitlə bağlı açıqlama

Keçən il 17 362 nəfər özünüməşğulluq proqramına cəlb olunub.

Bunu Əmək və Əhalinin Sosial Müdafiəsi Nazirliyi yanında Dövlət Məşğulluq Agentliyinin İdarə Heyətinin sədri Mustafa Abbasbəyli keçirdiyi brifinqdə deyib.

O bildirib ki, həmin şəxslərdən 5 610-u qadın, 339-u şəhid ailəsi, 1 246-sı məcburi köçkünlər, 74-ü ünvanlı dövlət sosial yardımı alanlar, 312-si cəzaçəkmə müəssisəsindən azad olanlar, 2 973-ü isə gənclər olub.