Metro bayram günlərində necə işləyəcək?
31 Dekabr – “Dünya Azərbaycanlılarının Həmrəylik Günü” və “Yeni İl”lə bağlı bayram günlərində “Bakı Metropoliteni” Qapalı Səhmdar Cəmiyyətinin iş rejimində dəyişikliklər ediləcək.
Qurumdan verilən məlumata görə, dekabr 2023-cü il şənbə və 2024-cü ilin 7 yanvar tarixi bazar günləri olsa da, iş günləri elan edildiyindən qatarların hərəkəti payız-qış qrafikinin iş günlərinə uyğun tənzimlənəcək.
Dekabrın 31-i və 2024-cü il yanvarın 1-i “28 May” – “Həzi Aslanov” istiqamətində qatarların hərəkəti səhər saat 07:00-dan axşam saat 21:00-a qədər 2,5 dəqiqəlik intervalla nizamlanacaq.
Yeni ilin gəlişi ilə əlaqədar ənənəvi şəhər gəzintisinə gecə çıxacaq paytaxt sakinləri və qonaqların maraqları nəzərə alınaraq, dekabrın 31-dən 2024-cü il yanvarın 1-nə keçən gecə Bakı Metropoliteninin iş rejimi 1 saat uzadılacaq. Bütün stansiyalar gecə saat 01:00-a qədər sərnişinlərin girişinə açıq olacaq. 2024-cü il yanvarın 2-dən 6-na qədər “28 May” – “Həzi Aslanov” istiqamətində qatarların hərəkəti səhər saat 07:00-dan axşam saat 21:00-a qədər 3 dəqiqəlik intervalla tənzimlənəcək.
![icon](/images/loading.png)