Millət vəkili ali məktəblərdəki təhsil səviyyəsini yıxıb-sürüdü

“Böyük Britaniyanın “World University Ranking” nəşri 2023-cü ildə dünyanın ən yaxşı universitetlərinin reytinqini dərc edib. Türk dövlətləri arasında reytinqə Qazaxıstanın 7, Türkiyənin 11 universiteti daxil olub. Amma biz hələ də plagiatlıqla məşğuluq”.

Bunu Milli Məclisin növbədənkənar sessiyasının sonuncu iclasında deputat Etibar Əliyev bildirib.

“Bizim ən azı bir neçə universitetimiz siyahıya düşməli idi. Amma heç birini görmədik. Neft və Sənaye Universiteti bu siyahıda olmalı idi. Amma orada baş verən özbaşınalıq, korrupsiya halları hələ də qaldığından təhsilə önəm verilmir. Bu kimi hallar insanı dəhşətə gətirir. Elm və Təhsil Nazirliyi bütün bu neqativ hallara gözünü yumub və heç bir qərar qəbul etməyib”, – deyə deputat şikayətlərini dilə gətirib.