Milli Hidrometeorologiya Xidmətindən açıqlama | Hava haqqında məlumat

İyulun 7-si və 8-də həftənin ilk günlərində Bakıda və Abşeron yarımadasında hava şəraiti dəyişkən buludlu, əsasən yağmursuz keçəcək. Lakin gecə və səhər bəzi yerlərdə qısamüddətli yağış yağacağı ehtimalı var.

Bu barədə Milli Hidrometeorologiya Xidmətindən məlumat verilib.

Bildirilib ki, mülayim şimal-qərb küləyi gündüz şimal-şərq küləyi ilə əvəz olunacaq. Havanın maksimal temperaturu 27-32 dərəcə isti olacaq.

Bölgələrdə də bəzi yerlərdə arabir yağış yağacağı, şimşək çaxacağı gözlənilir. Əsasən dağlıq və dağətəyi rayonlarda qısamüddətli leysan xarakterli olacağı, dolu düşəcəyi ehtimalı var. Axşama doğru yağıntılar tədricən kəsiləcək. İyulun 8-i gündüz əksər rayonlarda yağmursuz hava şəraiti müşahidə olunacaq. Mülayim qərb küləyi əsəcək.

Havanın maksimal temperaturu Aran rayonlarında 28-33, dağlıq ərazilərdə 15-20 dərəcə isti olacaq.