Pleyeri seçin:
Milyonlar mənimsəyən Vüqar Səfərli yenidən hakim qarşısında
Ləğv edilmiş Kütləvi İnformasiya Vasitələrinin İnkişafına Dövlət Dəstəyi Fondunun sabiq direktoru Vüqar Səfərlinin əmlaklarının müsadirə edilməsi ilə bağlı növbəti məhkəmə araşdırması yekunlaşıb.
Bakı Apellyasiya Məhkəməsinin hakimi Anar İbrahimovun sədrliyi ilə keçirilən prosesdə qərar elan edilib.
Xüsusilə külli miqdarda mənimsəmə ittihamı ilə məhkum edilən Vüqar Səfərlinin üzərinə həbs qoyulmuş əmlaklarının bir hissəsi müsadirə edilsə də, bir qismi özündə saxlanılıb.
Məhkəmə tərkibi məhkumun vəkili Hikmət Əliyevin təqdim etdiyi digər sübutları araşdırdıqdan sonra belə qənaətə gəlib.
Qeyd edək ki, Vüqar Səfərli 2009-2020-ci illərdə KİVDF-nin rəhbəri olub. O, 2021-ci ilin yanvarında Baş Prokuror yanında Korrupsiyaya qarşı Mübarizə Baş İdarəsi tərəfindən cinayət məsuliyyətinə cəlb edilib. Bakı Ağır Cinayətlər Məhkəməsinin hökmü ilə təqsirli bilinən eks-fond rəhbəri 10 il 6 ay müddətinə azadlıqdan məhrum edilib.
Kopyalandı
#Vüqar Səfərli teqi istifadə olunub
Seçilmişlər
