”Minomyot atəşinə tutulduq” | Qazi Alı Qədirli həmin gün yaşananları danışdı

Baku TV-yə müsahibəsində Vətən müharibəsi qazisi Alı Qədirli döyüşdə yaşadığı ən çətin anları və yaralanma hadisəsini danışıb. O, müharibəni kənardan izləməklə, orada hər anı yaşamağın tamamilə fərqli hisslər olduğunu vurğulayıb. Qazi, yaralanmazdan bir neçə saat əvvəl Suqovuşan istiqamətindəki döyüşlərdə qrupdan ayrılan dörd nəfərlik heyətlə qabağa getmək, yoxsa geri çəkilmək kimi kritik bir seçim qarşısında qaldıqlarını bildirib. Onlar tərəddüd etmədən "irəli" getməyi seçiblər. Həmin anlar ərzində düşmənin minomyot atəşinə tutulduqlarını söyləyən Alı Qədirli, sonrakı hadisələri xatırlamadığını qeyd edib. Hazırda birinci dərəcəli əlil olan qazinin səmimi etirafları, Azərbaycan əsgərinin Vətən uğrunda göstərdiyi qətiyyət və fədakarlığın, eləcə də döyüş meydanının amansız reallığının ifadəsidir.