MN-dən Kəlbəcərin atəşə tutulması ilə bağlı son dəqiqə məlumatı

Kəlbəcər istiqamətində mövqelərimiz atəşə tutulub.

Bu barədə Müdafiə Nazirliyi məlumat yayıb.

"İyulun 20-si saat 22:10 radələrində Ermənistan Silahlı Qüvvələrinin bölmələri Basarkeçər rayonunun İstisu yaşayış məntəqəsi istiqamətində yerləşən mövqelərindən Azərbaycan Ordusunun Kəlbəcər rayonunun İstisu yaşayış məntəqəsi istiqamətində yerləşən mövqelərini iriçaplı silahlardan atəşə tutub. Bölmələrimiz tərəfindən qeyd olunan istiqamətdə adekvat cavab tədbirləri görülüb", – deyə Müdafiə Nazirliyinin məlumatında bildirilib.