Moskvadakı terrorda həyatını itirənlərin xatirəsi yad edilir

Moskvada baş verən terror hadisəsində dünyasını dəyişənlərin xatirəsi Bakıda da yad edilib.

Belə ki, yerli sakinlər, eləcə də Rusiya vətəndaşları Rusiyanın Azərbaycandakı səfirliyinin binası qarşısında həyatını itirənlərin xatirəsinə güllər düzüb, dualar oxuyublar.

“Bu o qədər dərin üzüntüdür ki, insan deməyə söz tapmır. Bütün dünyada insanlar ölür, bilmirəm, sülh nə vaxt gələcək. İstəyirəm ki, hər kəs sülh içində yaşasın, belə terror hadisələrində ölməsinlər”, – sakin üzüntüsünü dilə gətirib.