Moto-taksi fəaliyyəti ilə bağlı lisenziya tələb ediləcək?

Bir çox ölkələrdə tətbiq edilən moto-taksi Azərbaycanda yeni xidmət növüdür.

Motosikletçilərin sözlərinə görə, bu xidmət növünün geniş yayılmamasının səbəbi xüsusi zolaqların olmaması və yollarda digər nəqliyyat vasitələrin onlara şərait yaratmamasıdır.

Qiymətlərə gəlincə, moto-taksi xidməti şəhərdaxili 5-6, şəhərdən kənar isə 10 manatdır. Hələ ki bu fəaliyyət lisenziyasız həyata keçirilir.

“Gələcəkdə moto-taksilərə lisenziyaların verilməsi barədə danışmaq olar. Hazırda bu real görsənmir”, – deyə nəqliyyat üzrə ekspert Aslan Əsədov qeyd edib.