Müavindən sərt çıxış | Fransanın Natəvanın abidəsinə hörmətsizliyi təsadüfi deyil

“Fransada məhz Natəvanın abidəsinə qarşı olan bu iyrənc hərəkətlər təsadüfi görünmür. Fransa hakimiyyəti siyasi hikkəsini Natəvanın Evian-Le Ba şəhərindəki heykəlindən çıxmaqla hansı səviyyəyə endiyinin fərqinə varmalıdır. Bu, Fransanın siyasi tarixinə qara ləkə kimi düşəcək”.

Bu barədə Azərbaycanın tanınmış ziyalıları və ədəbiyyat nümayəndələrinin Fransada Xurşidbanu Natəvanın abidəsinə qarşı edilənlərlə bağlı bəyanatında deyilir.

“2020-ci il Vətən müharibəsi dövründə Azərbaycan Fransa tərəfindən davamlı şəkildə iftiralarla üzləşdi. Bu gün də bütün beynəlxalq platformalarda Fransa hakimiyyəti Azərbaycana qarşı hücuma keçib. Biz yaxşı başa düşürük ki, bu, Azərbaycanın işğalçı Ermənistan üzərində qazandığı tarixi Zəfərin qisasıdır. Yelisey Sarayından buna son qoyulmasını tələb edirik”, – bəyanatda qeyd olunub.